Prataparka 8.p118

8.p118

āhuḥ | smṛtikaustubhakārāstūpavāsapūjājāgaraṇānāṃ trayāṇāmapi phalasambandhāvagamātprādhānyam | madhyāhne āvirbhū tasya tasminnantare devāḥ sūryo'pyastaṃgataḥ | śive | tataḥ saṃdhyādikaṃ kṛtvā śivapūjāparāvabhūriti śivarahasyavacanenāstottarameva kṣetrapālatvādhikārasya tatprayuktasādhyapūjanasya vidhānātpradoṣavyāpinī grāhyā| ata evāṣṭamyāṃ dinadvayegāmitve pradhānakālavyāptilābhātkṛṣṇapakṣe'ṣṭamī caiveti śāstrādrudravrateṣviti vacanācca pūrvetyāhuḥ | tithyarke tu siṃdhukārajyeṣṭhairuktaṃ bhairavasaṃnidhau ityukterjāgaragopavāsādikaṃ kāśyāmevakartavyamiti tatpramāṇā bhāvādupekṣyamiti | tadevopekṣya mārgaśīrṣasitāṣṭamyāmityutpattivākye kāla bhairavasannidhāvityasyopāttatvenāvivakṣitatvaṃ pramāṇābhāvāt | yattu nirṇayasiṃdhau mārgaśīrṣakṛṣṇāṣṭamī kālāṣṭamotyuktaṃ tadbhramātkālāṣṭamī bhādrakṛṣṇāṣṭamīti hemādrayukteḥ tallakṣaṇamapi tatraiva bhādrakṛṣṇāṣṭamīprakaraṇe draṣṭavyam | pāraṇaṃ tu yāmatrayamadhye'ṣṭamyantaścettadante kāryamanyathā prātareva “yāmatrayordhvagāmintrāṃ prāta eva hi pāraṇa”miti vacanāt | iyamevāṣṭamī lakṣmīkalpādiḥ