Smritikaustubha 12.11.16

12.11.16

śivarātirbalerdinam | iti vacanācca | dyūtaṃ tu govardhanapūjāvidhau paṭhitamapi tasyāmiva dyūte dvitīyāvedhaprayuktāpavādābhāvātparadina eva kāryam | nārīkartṛkanīrājanamaṅgalamālikātmakaṃ
kāryadvayaṃ tu muhūrtamātrāyāmuttarasyāmeva pratipadi kāryam | —
labhyate yadi vā prātaḥ pratipaddhaṭikādvayam | tasyāṃ nīrājanaṃ
kāryaṃ sāyaṃ maṅgalamālikā | iti madanaratne bhaviṣyokteḥ
nīrājanaṃ prātaḥ kāryam | — nārīnīrājanaṃ prātaḥ sāyaṃ maṅgalamālikā | atha cetpratipatsvalpā nārīnīrājanaṃ bhavet | dvitīyāyāṃ tadā kuryātsāyaṃ maṅgalamālikām | iti brāhmavacanāt
svalpāmāyuktāyāmapi pratipadi na kāryaṃ caitat—āśvinānte
yadā darśa nārīnirājanaṃ bhavet | nārīṇāṃ tatra vaidhavyaṃ deśe
durbhikṣameva ca | kārtike śuklapakṣādāvamāvasyā ghaṭīdvayam
deśabhaṅgabhayānnaiva kuryānmaṅgalamālikām | iti devīpurāṇavacanāt | iti pratipatkṛtyam
atha dvitīyākṛtyaṃ nirṇayāmṛte skānde—ūrjaśukladvitīyāyāmaparāhṇe'rcayedyamam | snānaṃ kṛtvā bhānujāyāṃ yamalokaṃ
na paśyati | iti | prācyanibandhe—yamaṃ ca citraguptaṃ ca yamadūtāṃśca pūjayet | arghyaścātra pradātavyo yamāya sahajodbhavaiḥ
bhrātṛbhaginībhirityarthaḥ | arghyamantraḥ—ehyehi mārtaṇḍaja pāśahasta yamāntakālokadharāmareśa | bhrātṛdvitīyākṛtadevapūjāṃ gṛhāṇa
cārghyaṃ bhagavannamaste | iti | pūjānte yamaṃ yamunāṃ ca praṇamet
dharmarāja namastubhyaṃ namaste yamunnāgraja | pāhi māṃ
kiṃkaraiḥ sārdhaṃ sūryaputra namo'stu te | yamasvasarnamaste'stu yamune lokapūjite | varadā bhava me nityaṃ
sūryaputri namo'stu te | iti | laiṅge—kārtike tu dvitīyāyāṃ