Smritikaustubha 12.11.17

12.11.17

śuklāyāṃ bhrātṛpūjanam | yā na kuryādvinaśyanti bhrātaraḥ saptajanmasu | bhrāturapi tadgṛhe bhojanākaraṇe bhaviṣye—kārtike śuklapakṣe tu dvitīyāyāṃ yudhiṣṭhira | yamo yamunayā pūrve bhojitāḥ
svagṛhe svayam | ato yamadvitīyā sā proktā loke yudhiṣṭhira
asyāṃ nijagṛhe pārtha na bhoktavyamato budhaiḥ | yatnena bhaginīhastādbhoktavyaṃ puṣṭivardhanam | dānāni ca pradeyāni bhaginībhyo
viśeṣataḥ | svarṇālaṃkāravastraiśca pūjāsatkārabhojanaiḥ | sarvā bhaginyaḥ saṃpūjyā abhāve pratipannakāḥ | iti | pratipannakā mitrabhaginya iti hemādriḥ | idaṃ ca yamayamunāpūjādikṛtyaṃ pūrvatraivāparāhnavyāpinyāṃ dvitīyāyāṃ tatraiva kāryam | pakṣāntareṣu tu paratraiva | yugmavākyāt | iti dvitīyākṛtyam
ṣaṣṭhyāṃ viśeṣo nirṇayāmṛte mātsye—vṛścikārke śuklaṣaṣṭhyāṃ bhaumavāre hyupasthite | mahāṣaṣṭhīti sā proktā sarvapāpaharā
tithiḥ | tasyāṃ svapiti vai vahniḥ pūrvatropa build vai dine | ṣaṣṭhyāṃ
vahniṃ samabhyarcya kuryādvahnimahotsavam | iti | mahotsavo brāhmaṇabhojanam | nirṇayāmṛte—kārtike yāṣṭamī śuklā jñeyā gopāṣṭamī budhaiḥ | tatra kuryādgavāṃ pūjāṃ gogrāsaṃ gopradakṣiṇam | gavānugamanaṃ kāryaṃ sarvānkāmānabhīpsatā | iti
navamyāṃ mathurāpradakṣiṇā proktā vārāhe | tadvidhiprayogau
mathurāsetau draṣṭavyau | iyaṃ yugādirapi | ato'trāpyapiṇḍaṃ śrāddhaṃ
kāryam | pūrvāhnavyāpinī ceyaṃ grāhyā | śukle paurvāhnike jñeye iti
pūrvodāhṛtavacanāt | atraiva viṣṇutrirātrārambhaḥ—kārtike
śuklanavamīmavāpya vijitendriyaḥ | hariṃ vidhāya sauvarṇaṃ tulasyā