Smrititattva 1.p1.32

1.p1.32

tṛtīye hantītyarthaḥ | evamanyatra atropavāsapareṇa viśeṣavidhināpastambīya sāmānyasya saṅkocāt | karmādau navagrahapūjāāha matsyapurāṇam | “navagrahamakhaṃ kṛtvā tataḥkarma samārabhet
anyathā phaladaṃ puṃsāṃ na kāmyaṃ jāyate kvacit” || vāmanapurāṇe
kārttikaśuklapañcamadhikṛtya baliṃ prati bhagavadvākyaṃ “vaurapratipadānāmna tava bhāvau mahotsavaḥ | atra tvāṃ naraśārdūla ! hṛṣṭāḥ puṣṭāḥ
svalaṃkatāḥ || puṣpadīpapradānena pūjayiṣyanti mānavāḥ” | tatra
mantraḥ | “balirāja ! namastubhyaṃ virocanasuta ! prabho ! | bhaviṣyendrasurārāte ! pūjeyaṃ pratigṛhyatām” || pratipadā pratipattithyā
atra pratipadi | brahmapurāṇe balirājeti mantrasya pūrvam
“mantreṇānena rājendra ! samantrī sapurohitaḥ” ityarddhaṃ paścādapi
“evaṃ pūjāṃ nṛpaḥ kṛtvā rātrau jāgaraṇaṃ tataḥ” ityuktamiti punarbrahmapurāṇe | “śaṅkaraśca purā dyūtaṃ sasarja sumanoharam | kārttike
śuklapakṣe tu prathame'hani bhūpate ! || jitaśca śaṅkarastatra jayaṃ lebhe ca
pārvatī | ato'rthācchaṅkaro duḥkhī gaurī nityaṃ sukhoṣitā || tasmāddyūtaṃ prakarttavyaṃ prabhāte tatra mānavaiḥ | tasmin dyūte jayo yasya tasya
saṃvatsaraḥ śubhaḥ || parājayo viruddhastu labdhanāśakaro bhavet”
dyūtañcāprāṇibhiḥ kraur̤anaṃ yathā manuḥ | “aprāṇibhiryat kriyate
talloke dyūtamucyate” | tattithimadhikṛtya bhaviṣyottare | “yo yo
yādṛśabhāvena tiṣṭhatyasyāṃ yudhiṣṭhira ! | harṣadainyādinā tena tasya
varṣaṃ prayāti hi” || tathā “mahāpuṇyātithiriyaṃ balirājyavivarddhinī | snānaṃ dānaṃ śataguṇaṃ kārttike'syāṃ tithau bhavet”