Smrititattva 1.p1.33

1.p1.33

bhaviṣye “rohiṇyā pratipadyuktā mārge māsi sitetarā | gaṅgāyāṃ
yadi labhyeta sūryyagrahaśataiḥ samā” || kalpatarau | vāmanapurāṇaṃ
“nandāsu nābhyaṅgamupācarecca caurañca riktāsu jayāsu māṃsaṃ
pūrṇāsu yoṣit parivarjanīyā bhadrāsu sarvāṇi samācarecca”
nandādikramamāha jyotiṣe | nandā bhadrā jayā riktā pūrṇā ca
pratipadaḥ kramāt
pratipadādipañcadaśatithiṣu kūṣmāṇḍādipañcadaśadravyabhakṣaṇe
krameṇa doṣamāha smṛtiḥ | “kūṣmāṇḍe cārthahāniḥsyādbṛhatyāṃ na
smareddharim | vahuśatruḥ paṭole syāddhanahānistu mūlake || kalaṅko
jāyate vilve tiryyagyoniśca nimbake | tāle śarīranāśaḥ
syāt nārikele ca mūrkhatā | tumbī gomāṃsatulyā syāt
kalambau gobadhātmikā || śimbau pāpakarī proktā pūtikā
brahmaghātikā | vārttākau sutahāniḥ syāt cirarogau ca
māṣake || mahāpāpakaraṃ māṃsaṃ pratipadādiṣu varjayet” || atra
saptamyāmeva tālaniṣedhādanyatraitadbhakṣaṇaṃ prāptamataḥ “tālaṃ śvetāñca
vārttākīṃ na khādedvaiṣṇavo naraḥ” | ityanena tālamapi śvetaṃ
niṣiddhaṃ sāhacaryeṇa napuṃsakaliṅgena śvetānuṣaṅgāt | evaṃ alāvaṃ
varttulākārāṃ vārttākīṃ kundasannibhāṃ iti yadapi “kusumbhaṃ
nālikāśākaṃ vṛntākaṃ pautikaṃ tathā | bhakṣayan patitastu
syādapi vedāntago dvijaḥ” ityuśanasā sāmānyato'bhihitaṃ