Smrititattva 1.p1.35

1.p1.35

śuklā tu parayutā grāhyā yugmāt evaṃ vakṣyamāṇa upavāsavidhāyakayoḥ viruddhavacanayoḥ vyavasthonneyā yathā nāradaḥ | “dvitīyaikādaśī ṣaṣṭhī tathā caivāṣṭamītithiḥ | vedhādadhastādbanyuktaḥ
upavāse tithaustribhāḥ” || atra dvitīyāyāstṛtīyādiyutaḥ
nopoṣyā ityarthaḥ viṣṇutarahasyam “ekādaśyaṣṭamī ṣaṣṭhī dvitīyā ca
caturdaśī | trayodaśyāpyamāvāsyā upoṣyāḥ syuḥ parānvitāḥ”
tasmāt pūrvavacanaṃ kṛṣṇapakṣaviṣayaṃ paravacanaṃ śuklapakṣaviṣayaḥ
manorathadvitīyāyāntu divā vāsudevārccanaṃ rātrau candrodaye'rghya
dānaṃ naktaṃ bhojanādikam | yathā viṣṇudharmottare | 'devamabhyarcya
puṣpaiśca dhūpadīpānulepanaiḥ | udgacchataśca bālendordadyādarghyaṃ
samāhitaḥ || naktaṃ bhuñjīta ca naro yāvattiṣṭhati candramāḥ
astaṃ gate na bhuñjīta vratabhaṅgabhayānnaraḥ' || astaṃ gate candre viṣṇu
purāṇe | “divārātrau vrataṃ yacca evameva tithau smṛtam | tasyāmubhayayoginyāmācarettad vrataṃ vratī” || evameva tithau divā
rātrisambandhitithau | smṛtaṃ munibhiḥ ataeva tasyāmityādi
skandapurāṇe “āṣār̤hasya site pakṣe dvitīyā puṣyasaṃyutā | tasyāṃ
rathe samāropya rāmaṃ māṃ bhadrayā saha | yātrotsavaṃ pravṛttyātha prīṇayecca dvijān bahūn” || tathā “ṛkṣābhāve tithau kāryyā sadā sā
prītaye mama” | liṅgapurāṇe “kārtike tu dvitīyāyāṃ śuklāyāṃ
bhrātṛpūjanaṃ | yā na kuryyādvinaśyanti bhrātaraḥ saptajanmani” tasyā
iti śeṣaḥ | mahābhārate “kārtike śuklapakṣasya dvitīyāyāṃ yudhiṣṭhira ! | yamo yamunayā pūrvaṃ bhojitāḥ svagṛhe svayam || tasyāṃ