Smrititattva 1.p1.34

1.p1.34

tatra nālikā śvetakalamboti kalpataruḥ | “pūtikā ca dvādaśyāmadhikadoṣāya śūdraviṣayikā vā vārttākau varttuleti samudrakarabhāṣyam atredamasvarasabījaṃ varttulākārāmityasyānuṣaṅgakalpanam | vyādhitasyauṣadhakriyāyāmapavādamāha sumantuḥ | “laśunapalāṇḍugṛñjanakumbhīāṇḍasūtikānānnabhocyānnamadhumāṃsamūtrareto'medhyābhakṣyabhakṣaṇe gāyatryaṣṭasahasreṇa mūrdhni sampātānavanayedupavāsaśca etānyeva vyādhitasya bhiṣak kriyāyāmapratisiddhāni
bhavanti yāni cānyānyevaṃ prakārāṇi teṣvapyadoṣaḥ” iti
kumbhīpānā iti khyātā sampātānudakavindūn śirasi pātayediti prāyaścittavivekaḥ | prāyaścittaṃ vacanāntaraikavākyatayā
yathāyogyamūhanīyaṃ kalpatarau “nābhyaṅgamakeṃ na ca bhūmiputre
kṣaurañca śukre'tha kuje ca māṃsam | budhe ca yoṣāṃ na samācarecca
śeṣeṣu sarvāṇi sadaiva kuryyāt | citrā svahastāśravaṇāsu tailaṃ
kṣauraṃ viśākhā pratipatsu varjyam | mūle mṛge bhādrapadāsu
māṃsaṃ yoṣinmaghākṛttikasottarāsu” || khaṃ dhaniṣṭhā mṛge mṛgaśirasi maghākṛttikābhyāṃ sahottarāstāsu tṛtīyā samāsaḥ
chāndasaḥ | smṛtiḥ | “ghṛtañca sārṣapaṃ tailaṃ yattailaṃ puṣpavāsitam | aduṣṭaṃ pakvatailañca snānābhyaṅge ca nityaśaḥ” pracetāḥ
“tailābhyaṅganiṣedhe tu tilatailaṃ niṣidhyate” | vāre pratiprasavamāha smṛtiḥ | ravau puṣyaṃ gurau dūrvāṃ bhūmiṃ bhūmijavāsare
bhārgave gomayaṃ dadyāt tailadoṣopaśāntaye | “dadyāttaila iti
śeṣaḥ”
atha dvitīyā “sā ca kṛṣṇā pūrvayutā grāhyā pratipat
sahitīyā syād dvitīyā pratipat yutā” ityāpastambavacanāt
tatroktayukteḥ pratipat kṛṣṇā tatsāhacaryāt dvitīyāpi tatheti