Smrititattva 1.p2.111

1.p2.111

smṛtiḥ | “prātaḥkāle pitṛśrāddhe ṣaṣṭhyāñca dvādaśīṣu ca
surāsnānasamaṃ tailaṃ pitaraṃ narakaṃ nayet” || puṣpavāsitādau
pratiprasavamāha smṛtiḥ | “ghṛtañca sārṣapaṃ tailaṃ yattailaṃ puṣpavāsitam | aduṣṭaṃ pakvatailañca snānābhyaṅge ca nityaśaḥ”
pitretra karmmaṇi dakṣiṇāmukhena pādau prakṣālanīyau | “prathamaṃ
prāṅmukhaḥ sthitvā pādau prakṣālayecchanaiḥ | udaṅmukho vā daivatye
paitṛke dakṣiṇāmukhaḥ” || iti devalavacanāt | rāghavabhaṭṭadhṛtaṃ
vāstuśāstrahṛdayamavacanam | “śrāddhādhikaraṇe yatra nārccitovāstudaivataḥ | tatra śūnyaṃ bhavet sarvvaṃ rakṣovighnādibhirhatam
tasmādvāstvarccanaṃ kāryyaṃ samyak sampadamīpsubhiḥ” || annapāke
sapiṇḍādhikāramāha kalpatarau devalaḥ | “tathaivāmantrito
dātā prātaḥ snātaḥ sahāmbaraḥ | ārabheta navaiḥ pātrairanvārambhaṃ
sabāndhavaḥ” || śrāddhacintāmaṇāvapyevam | tathaivāmantrita iti
pāṭhe sarvvāyāsavinirmuktādibhirnimantrita ityarthaḥ | sahāmbara
iti dvitīyavastraprāptyartham ekavastrasya nagnatvapratiṣedhena prāptatvāt etena kuśarajvādivastrapratinidhirnārca bhavatīti sūcitam | evameva snāne brahmadattabhāṣyakalpataravaḥ | brahmapurāṇe
“parakīya gṛhe yastu khān pitṝṃ starpayejjar̤aḥ | tadbhūbhikhāminastasya haranti pitaro balāt | agrabhāgaṃ tatastebhyo
dadyānmūlyañca jīvatām” || gṛha iti bhūmimātraparaṃ tad svāmi
pitṛharaṇasya hetutvenābhidhānāt mūlyadānāgradānayoḥ pratyekaṃ
haraṇanivarttakatvena vaikalpikatvaṃ tataśca śrāddhavighātanivarttakatvena tadaṅgatvāt pitṛrītyā bhūsvāmipitṛbhyaḥ prathamatò deyam