Smrititattva 1.p2.42

1.p2.42

vidhivaddattaṃ gṛhāṇārghyaṃ maheśvara !”|| ityanenārghyaṃ dattvā gandhādibhiḥ saṃpūjya mūlamantraṃ japitvā praṇamya gītanṛtyādibhistaṃ
praharaṃ nayet | “tadgānaṃ tajjapaḥ snānaṃ tatkathāśravaṇādikam
upavāsakṛtau hyete guṇāḥ proktā manīṣibhiḥ”|| iti devīpurāṇe sāmānyataḥ śravaṇāt atrāpi tathā| dvitīyaprahare tu
viśeṣaḥ| hauṃ aghorāya nama iti dadhnā snānam| arghyamantrastu “namaḥ śivāya śāntāya sarvapāpaharāya ca| śivarātrau
dadāmyarghyaṃ prasīda umayā saha” || tṛtīyaprahare tu hauṃ vāmadevāya nama iti ghṛtena snānam | arghyamantrastu “duḥkhadāridraśokena dagdho'haṃ pārvvatīśvara !| śivarātrau dadāmyarghyamumākānta !
gṛhāṇa me”|| caturtha prahare tu hauṃ sadyojātāya nama iti madhunā
snānam| arghyamantrastu “mayā kṛtānyanekāni pāpāni hara
śaṅkara !| śivarātrau dadāmyarghyaṃ umākānta ! gṛhāṇa me”|| tato
namaḥ śivāya iti mūlamantraṃ japitvā prabhāte'vighnena ityādi
vakṣyamāṇamantrān paṭhet| tathāca garur̤apurāṇaṃ “mūlamantraṃ
tato japtvā prabhāte tatsamāpayet | avighnena vrataṃ deva ! tvatprasādāt samarpitam || kṣamasva jagatāṃ nātha ! trailokyādhipate ! hara !
yanmayādya kṛtaṃ puṇyaṃ tadrudrasya niveditam || tvatprasādānmayā
deva ! vratamadya samarpitam | prasannobhava me vyoman ! sadbhūtiṃ
pratipadyatām || tadālokanamātreṇa pavitro'smi na saṃśayaḥ”
paradine brāhmaṇān bhojayitvā caturddaśīlābhe tatra tadalābhe
tvamāvāsyāyāṃ pāraṇaṃ kuryyāt | tatra mantraḥ “saṃsārakleśadagdhasya
vratenānena śaṅkara ! | prasīda sumukho nātha ! jñānadṛṣṭi prado bhava”