Smrititattva 1.p2.76

1.p2.76

vaśiṣṭhavacane rātrāvapītyapinā pratiṣiddha kālāntaraṃ samuccīyate | chandogapariśiṣṭam | “yavyadvayaṃ śrāvaṇādi sarvā nadyo
rajasvalāḥ | tāsu snānaṃ na kurvīta varjayitvā samudragāḥ | upākarmaṇi cotsarge pretasnāne tathaiva ca | candrasūryyagrahe caiva rajo
doṣo na vidyate | svardhunyambhaḥsamāni syuḥ sarvvāṇyambhāṃsi
bhūtale | kūpasthānyapi somārkagrahaṇe nātra saṃśayaḥ” || yavyomāsaḥ
nadīlakṣaṇamāha | “dhanuḥ sahasrāṇyaṣṭau ca gatiryāsāṃ na
vidyate | na tā nadīśabdavahā garttāstāḥ parikīrttitāḥ”
svardhunogaṅgā yāsāmapām | dhanuḥ pramāṇamāha viṣṇudharmottarīya
prathamakāṇḍam | “dvādaśāṅgulikaḥ śaṅkustaddyantu śayaḥ smṛtaḥ
taccatuṣkaṃ dhanuḥ proktaṃ krośodhanuḥ sahasrakaḥ” || śayo'hastaḥ
atra viśeṣo madana pārijāte nigamaḥ | na duṣyettauravāsināmiti | atraiva vyāghrapādaḥ | “abhāve kūpavāpīnām anyenāpi samuddhṛte | rajoduṣṭe'pi payasi grāmabhogo na duṣyati”
anyena kumbhādinā | ataeva chandogapariśiṣṭakṛtāpi tāstrityadhikaraṇena nirdiṣṭam | devalaḥ | ‘gaṅgā ca yamunācaiva plakṣajātā sarasvatī | rajasā nābhibhūyante ye cānye nadasaṃjñakāḥ”
kurukṣetre yā sarasvatī sā plakṣajātā | “śoṇasindhu hiraṇyākhyakokalohityaghargharaḥ | śatadruśca nadāḥ sapta pāvanāḥ brahmaṇaḥ
sutāḥ” || grahaṇe kūpasthapraśaṃsayā grahaṇaprākkālīnoddhṛtavyāvṛttiḥ | vyāghraḥ | “ādityakiraṇaiḥ pūtaṃ punaḥ pūtañca vahninā
vyādhyāturaḥ snāyāt grahaṇe'pyuṣṇa vāriṇā” || evambhūtaṃ jalaṃ
yato'ta uṣṇavāriṇāpi snāyādityarthaḥ | vyāsaḥ | “sarvvaṃ
bhūmisamaṃ dānaṃ sarvve vyāsasamā dvijāḥ | sarvvaṃ gaṅgāsamaṃ toyaṃ