Smrititattva 1.p2.79

1.p2.79

dṛṣṭveti ktvā śravaṇācca hemādristu yāvaddarśanagocarastāvat puṇyakālo yadāstaṃ gataḥ| na dṛśyate tadā na puṇyakālaḥ| tathā
ca grastāstamite vaśiṣṭhaḥ pūrvvameva snānārthaṃ tiṣṭhati norddhaṃ | devalo'pi “yathā snānañca dānañca sūryyasya grahaṇe divā | somasyāpi tathā rātrau snānaṃ dānaṃ vidhīyate” || nigamo'pi “sūryyagraho yadā rātrau divā candragraho bhavet | tatra snānaṃ na kurvīta
dadyāt dānaṃ na kutracit” || ityāha mādhavācāryyo'pi grastāstamayaparyyantaṃ darśanayogyatvāttāvān puṇyakālo bhavatītyāha
etenānyakarttṛka darśane grastāstānantarañca yat snānādikamabhihitaṃ nārāyaṇopādhyāyena taddheyamiti
evañca grastāste grastodaye ca puraścaraṇaṃ na sambhavati sparśādimuktiparyyantamityabhidhānāt | yathā puraścaraṇacandrikādiṣu
“athavānya prakāreṇa puraścaraṇamiṣyate | grahaṇe'rkasya cendorvāśuciḥ pūrvvamupoṣitaḥ| nadyāṃ samudragāminyāṃ nābhimātrajale
sthitaḥ | yadvā puṇyodake snātvā śuciḥ pūrvvamupoṣitaḥ| grahaṇādi vimokṣāntaṃ japenmantraṃ samāhitaḥ| anantaraṃ daśāṃśena
kramāddhomādikañcaret| tadante mahatīṃ pūjāṃ kuryyāt brāhmaṇatarpaṇam | tato mantraprasiddhayarthaṃ guruṃ saṃpūjya toṣayet | evañca
mantrasiddhiḥ syāddevatā ca prasīdati | athavā'nya prakāro'yaṃ
pauraścāraṇiko vidhiḥ| candra sūryyoparāge ca snātvā prayatamānasaḥ | sparśādi mokṣaparyyanta japenmantraṃ samāhitaḥ | japāt
daśāṃśato homaṃ tathā homāt tarpaṇam | evaṃ kṛtvā tu mantrasya
jāyate siddhiruttamā” || gopālamantra tarpaṇe tu homasamasaṃkhyatvaṃ yathā | “iha gopāla mantrāṇāṃ tarpaṇaṃ homasaṃkhyayā