Smrititattva 1.p2.81

1.p2.81

ityanena tarpayet | gopāla mantre tu homadagāṃśa ityatra homasamasaṃkhyeti nirddeśyaṃ tatastu rāhugrasta niśākarakālīnaunāmukamantrajapadaśāṃśahoma taddaśāṃśa tarpaṇa taddaśāṃśābhiṣekaṃ mahaṃ
kariṣye iti saṅkalpyātmānaṃ devatārūpaṃ dhyātvā namo'ntaṃ mantramuccāryyāmukamahamabhiṣiñcāmītyanena svamūrddhanyañjalinābhiṣiñcet | gopālamantre tu homadaśāṃśetyatra homasamasaṃkhyati
nirdeśyam | tato mahatīṃ pūjāṃ vidhāya tadabhiṣekadaśāṃśabrāhmaṇabhojanamahaṃ kārayiṣye iti saṅkalpya brāhmaṇān bhojayet
guruṃ saṃpūjya dakṣiṇayā toṣayet | sūryyagrahaṇe tu rāhugraste
divākara iti viśeṣaḥ | grahaṇadarśane snānamāvaśyakam | tathā
ca vṛddhavaśiṣṭhaḥ | "saṃkrame grahaṇe caiva na snāyādyastu mānavaḥ
saptajanmasu kuṣṭhī syād duḥkhabhāgī ca sarvadā" || aśauce'pi
sāṅgaṃ snānaṃ karttavyaṃ na śrāddhādi | tathā ca saṃvatsarapradīpagaṅgāvākyāvabyoḥ smṛtiḥ | "sūtake mṛtake caiva na doṣo rāhudarśane | snānamātrantu karttavyaṃ dānaśrāddhavivarjitam" || bhaviṣye
"candra sūryyagrahe caiva mṛtānāṃ piṇḍakarmaṇi mahātīrthe tu saṃprāpte
kṣatadoṣo na vidyate"|| mahātīrthe gaṅgādau saṃprāpte tattat kṣetravāsādinā samyak prāpte na tu prathama prāptimātre saṃśabdānarthakyāpatteḥ | parāśaravacane tīrthaparasya tattannimittaka karmmaṇi
janana maraṇāśaucābhāvoktyā sutarāṃ kṣate'pi tathā kalpanāyāyuktatvācca | yathā "dīkṣiteṣvabhiṣikteṣu vratatīrthapareṣu ca
tapodānaprasakteṣu nāśaucaṃ mṛtasūtake" || dīkṣiteṣviti yajamānānāṃ somayāgāṅga dīkṣaṇīyeṣṭau kṛtāyāṃ dīkṣitatvaṃ bhavati