Vidhanaparijata 7.p138

7.p138

yattu | yadi syādaśucistatra smarenmantraṃ na tūccaret | mano hi sarvvajantūnāṃ sarvvadaiva śuci smṛtam || iti vacanaṃ tanmūtroccārādyaśaucaparaṃ mantrabhedaparaṃ vā | anyatrāpi | aśucirvā śucirvāpi gacchaṃstiṣṭhan svapannapi | mantraikaśaraṇo vidvānmanasaiva sadābhyaset || marīciś | lavaṇe madhumāṃse ca puṣpamūlaphaleṣu ca | śākakāṣṭhatṛṇeṣvapsu dadhisarpiḥpayaḥsu ca || tailoṣadhyajine caiva pakvāpakve svayaṅgrahe | paṇyeṣu caiva sarvveṣu nāśaucaṃ mṛtasūtake || pakvaṃ śuṣkānnaṃ śaktulājādi, apakvaṃ taṇḍulādi | paṇyeṣu ceti pṛthagabhidhānātteṣu aśaucinā datteṣvapi na doṣaḥ | mānasamapyaśucīti mānaso'pi jananamaraṇayoranadhyāya iti ca baudhāyanaḥ | iti sūtakidharmmaviśeṣavidhānam | atha rātrisūktajapavidhānam | tacca sadācārātprāptaṃ tadapi śāntisūktajapapūrvvakaṃ japtavyam | śāntisūktāni yathā ṛgvidhāne | ānobhadrīya āyuṣaṃ vaiśvadevaṃ japenmuniḥ | mumūrṣurapi japtetaddorghamāyuravāpnuyāt