Kalanirnaya (Kalamadhaviya) 12.p49

12.p49

“bhānuvāreṇa saṃyuktā kṛṣṇā saṃkrānti-saṃyutā | ekādaśī sadopoṣyā sarvasampatkarī tithiḥ”– iti | matsyapurāṇe'pi,– “ekādaśyāntu kṛṣṇāyāmupoṣya vidhivannaraḥ | pucānāyuḥ samṛṅgiñca sāyujyañca sa gacchati ”–iti | dinakṣaye putravato gṛhasthasyopavāso niṣiddhaḥ | tathā ca pitāmahaḥ†,– “ekādaśyāṃ dinakṣaye upavāsaṃ karoti yaḥ | tasya pucāvinaśyanti maghāyāṃ piṇḍate‡ yathā”–iti | matsyapurāṇe,– “dinakṣaye'rkasaṃkrāntau grahaṇe candrasūryyayoḥ | upavāsaṃ na kurvīta putra-pautra-samanvitaḥ”–iti | dinakṣaya-lakṣaṇaṃ padmapurāṇe,– “dvau timyantāvekavāre yasmin sa syāddinakṣayaḥ”–iti | vasiṣṭho'pi,– “ekasmin sāvane lakni tithīnāntritayaṃ yadā | tadā dinakṣayaḥ proktaḥ tatra sāhasikaṃ phalam”–iti | phalamatropavāsa-vyatirikta-dānādi-janyaṃ draṣṭavyaṃ, upavāsasya niṣiddhatvāt | īdṛśe viṣaye kiṃ karttavyamityākāṅkṣāyāṃ vāyupurāṇe paṭhyate,– “upavāse niṣiddhe tu bhakṣyaṃ kiñcit prakalpayet | na duṣyatyupavāsena upavāsa-phalaṃ labhet