Kalanirnaya (Kalamadhaviya) 12.p50

12.p50

naktaṃ haviṣyānnamanoṃdanaṃ vā phalantilāḥ kṣīramathāmbu cājyam | yatpañcagavyaṃ yadi vā'pi vāyuḥ praśastamacottaramuttarañca”—iti || upavāsāsamarthastu ekabhaktādīni kuryyāt | tathā ca smṛtiḥ,— “upavāse tvaśaktānāmaśīterūrdhvajīvinām | ekabhaktādikaṃ kāryyamāha baudhāyano muniḥ”—iti | mārkaṇḍeyapurāṇe ,— “ekabhaktena naktena tathaivāyācitena ca | upavāsena dānena na nirdvādaśiko bhavet”—iti | kūrmapurāṇe'pi,— “ekabhaktena naktena cauṣaṣṭhadvrāturaḥ kṣipet | nātikramet dvādaśīntu upavāsavratena ca”—iti | smṛtyantare'pi,— “ekabhaktena naktena bālavṛddhātturaḥ kṣepit | payomūlaṃ phalaṃ vāpi na nirdvādaśiko bhavet”—iti | bhaviṣyatpurāṇe,— “ekādaśyāmupavasennaktaṃ vā'pi samācaret”—iti | nityakāmyayoraśaktāstu pratinidhibhirvrataṃ kārayeyuḥ | tathā ca viṣṇurahasye,—