Kalanirnaya (Kalamadhaviya) 13.p42

13.p42

nitya-niścala-śabdau ca tatraiva,— “māgha-kṛṣṇa-caturddaśyāṃ yaḥ śivaṃ śaṃsita-vrataḥ | mumukṣuḥ pūjayennityaṃ sa labhedaupsitaṃ phalam”—iti || “arṇavoyadi vā śuṣyet kṣīyate himavānapi | meru-mandara-laṅkāśca śrīśailovindhyaevaca || calantyete kadācidvai niścalaṃ hi śiva-vratam”—iti ca || kāmyatvañca phala-śravaṇādavagantavyam | tacca skandapurāṇe,— “śivañca pūjayitvā yojāgartti ca caturddaśīm | mātuḥ payodhara-rasaṃ na pivet sa kadācana || yadīcchedvāñchitān bhogān divi deva-manoramān† | āgamokta-vidhiṃ kṛtvā prāpnoti paramaṃ padam || mama bhaktastatodevi, śivarātrimupoṣakaḥ | gaṇatvamakṣayaṃ divyaṃ avyayaṃ‡ śiva-śāsanam || sarvvānbhuktvā mahābhogān mṛtobhūyona jāyate§”—iti || kāmya-vratasyeśānasaṃhitāyāṃ varṣa-saṅkhyā paṭhyate,— “evametadvrataṃ kuryyāt pratisaṃvatsaraṃ vratī | dvādaśābdikametasyāccaturviṃśābdikantu vā || sarvvān kāmānavāpnoti pretya ceha ca mānavaḥ”—iti