Kalanirnaya (Kalamadhaviya) 4.p11
Kālanirṇaya (Kālamādhavīya) 4.p11
- Language
- Sanskrit
4.p11
tatra, tithiśabdastanoterdhātonirutpannaḥ | tanoti vistārayati varddhamānāṅgīyamāṇāṃ vā candrakalāmekāṃ yaḥ kālaviśeṣaḥ, sā tithiḥ | yadvā, yathokta-kalayā tanyate iti tithiḥ | taduktaṃ siddhāntaśiromaṇau, - "tanyante kalayā yasmāt tasmāttāstithayaḥ smṛtāḥ" - iti | etadevābhipretya skānde paṭhyate, - "amā ṣoḍaśa-bhāgena devi, proktā mahākalā | saṃsthitā paramā māyā dehināṃ dehadhāriṇī || amādi-paurṇamāsyantā yāeva śaśinaḥ kalāḥ | tithayastāḥ samākhyātāḥ ṣoḍaśaiva varānane"- iti | ayamarthaḥ | yā mahāmāyā ādhāraśaktirūpā dehināṃ dehadhāriṇī saṃsthitā, sā candra-maṇḍalasya ṣoḍaśa-bhāgena parimitā candra-dehadhāriṇyamānāvrī mahākaleti proktā, cayodaya-rahitā nityā tithisaṃjñakaiva, itarāścapi pañcadaśa kalāḥ divasa-vyavahāropayoginyaḥ cayodayavatyaḥ pañcadaśa tithayo bhavantīti tithayaḥ ṣoḍaśaivetyaviruddhaṃ vacanam, - iti | śrutistvasminnevārthe pañcanirṇayaevodāhṛtā ; "tasya rātrayaḥ pañcadaśa kalā dhruvaivāsya ṣoḍaśī kalā"- iti
Linked texts (11)
- Skandamahāpurāṇa (vulgate) — Sanskrit
- Navarātrapradīpa — Nandapaṇḍita 1543, Sanskrit
- Vīramitrodaya — Mitramiśra 1610, Sanskrit
- Pratāpārka — Viśveśvarabhaṭṭa 1766, Sanskrit
- Jayasīṃhakalpadruma — Ratnākara 1688, Sanskrit
- Gadādharapaddhati — Gadādhara Rājaguru 1725, Sanskrit
- Kālatattvavivecana — Raghunātha Vājapeyin 1595, Sanskrit
- Kālasāra — Nārāyaṇa Jyotirvit, Sanskrit
- Kālasāra — Gadādhara (Pāraskara commentator), Sanskrit
- Kāladīpa — Divyasiṃha Mahāpātra 1640, Sanskrit
- Smṛtiprakāśa — Vāsudeva Ratha, Sanskrit