Kalanirnaya (Kalamadhaviya) 4.p17

4.p17

nanu, sāvana-dineṣu saura-divaseṣu ca nirṇayamupekṣya cāndratithiṣveva kuto nirṇayodyamaḥ, —iti cet | sandeha-sadbhāvāditi brūmaḥ | na khalu saura-sāvana-divasayoḥ sandeha-sadbhāvo'sti, niyata-parimāṇatvāt | tacca brahmasiddhānte'bhihitam, — "sāvanaṃ syādahorātramudayādodayādraveḥ | ravestriṃśattu rāśyaṃśastithi-sambhogaaindavam”—iti | ekasmin rāśau yāvantaṃ kālaṃ ravivarttate, tāvataḥ kālasya triṃśoyo'yamaṃśaḥ sa sauradivasaḥ | tithiraikā kalā, tatsambhogaindoryāvatā kālena niṣpadyate, tadaindavandinam | nacātra saura-sāvanayoriva cāndre'pi dine sandehābhāvaḥ śaṅkanīyaḥ, hrāsa-vṛddhi-vaśena sandehasadbhāvāt | hrāsa-vṛddhī ca gargeṇa darśite, — “kharvīdarpastathā hiṃsāstrividhaṃ tithi-lakṣaṇam | dharmādharmavaśādevāṃ tithistredhā vivakṣitā”—iti | kharvā samatithiḥ | darpā vṛddhi-yuktā | hiṃsrā kṣaya-yuktā | tasyaitasya