Kalanirnaya (Kalamadhaviya) 6.p12

6.p12

nanvāstāṃ vodaya-tri-muhūrtta-vyāptirastamaya-vyāptiśca, nirṇayastu śuklakṛṣṇa-pakṣābhyāṃ bhaviṣyati | tathā ca mārkaṇḍeyaḥ,"śuklapakṣe tithirgrāhyā yasyāmabhyuditoraviḥ | kṛṣṇapakṣe tithirgrāhyā yasyāmastamitoraviḥ"-iti | viṣṇudharmottare'pi,"varddhamānendau-pakṣasya udaye pūjyate tithiḥ | yadā candraḥ kṣayaṃ yāti tadā syādāparāhikī"-iti | athavā, pakṣasya vṛddhi-kṣayābhyāṃ nirṇetavyam | tathā ca vṛddhavasiṣṭhaḥ,"varddhamānasya pakṣasya udaye pūjyate tithiḥ | yadā pakṣaḥ kṣayaṃ yāti tadā syādāparāhikī"-iti | baudhāyanaḥ,"sā tithisacca naktaṃca yasyāmabhyuditoraviḥ | varddhamānasya pakṣasya hānau tvastamayaṃ prati"-iti | atrocyate | na tāvat śuklapakṣa-kṛṣṇapakṣābhyāṃ nirṇayaḥ saṃbhavati | tathā sati, bahu-vacana-bādha-prasaṅgāt | tathā hi,-yāni vacanāni pūrva-viddhāyāṃ śuklapratipadi upavāsa-vidhāyakāni pūrvamudāhṛtāni, tāni bādhyeran | tathā, kṛṣṇa-pratipadaḥ para-viddhāyāmupoṣyatvaṃ pūrvaṃ nirṇītaṃ, tacca viparivartteta | evamekabhaktādāvapi yathāyogyaṃ viparivṛttirūhneyā | nāpi pakṣasya kṣaya-vṛddhibhyāṃ nirṇayoyujyate | tatrāpyuktadoṣasyāparihāryyatvāt | yadā śuklapakṣastithi-vṛddhyā ṣoḍaśadinātmakaubhavati, tadā bhavanmate para-viddhāyāṃ śukla-pratipadyupavāsaḥ prāpnoti | kṛṣṇapakṣasya tithi-kṣaya-vaśāccaturddaśa-dinātmakatve pūrva-viddhāyāṃ kṛṣṇapratipadyupavāsaḥ prāpnoti | evaṃ bādhāntaramunneyam | asti ca śuklakṛṣṇa-pakṣa-vākyasya vinā'pyanya-bādhaṃ viṣaya-viśeṣaḥ | tathācāṅgirasā smaryyate, —