Kalanirnaya (Kalamadhaviya) 6.p2

6.p2

sarvāsu tithiṣu madhyāhna-pradoṣa-vyāptā nirṇayaḥ| ayācitasya prātisvika-kāla-viśeṣa-vidhyabhāvāt upavāsavat śukla-kṛṣṇa-pratipadau-pūrvīttara-viddhe gṛhītavye, —ityetāvadvyavasthitam| atha pratipaddāna-vratāni nirṇīyante| bhaviṣyottarapurāṇe dānaṃ paṭhyate, — "pratipatsu dvijān pūjya pūjayitvā prajāpatim| sauvarṇamaravindañca kārayitvā'ṣṭapatrakam|| kṛtvā laudumbare pātre sugandhi-ghṛta-pūrite| puṣpairdhūpaiḥ pūjayitvā viprāya pratipādayet"—iti| brahmapurāṇe phalavrataṃ paṭhyate, — “māsi bhādrapade śukle pakṣe ca pratipattithau| naivedyantu pacenmaunī ṣoḍaśa-triguṇāni ca| phalāni piṣṭapakkāni dadyādviprāya ṣoḍaśa| devāya ṣoḍaśaitāni dātavyāni prayatnataḥ|| bhujyante ṣoḍaśa tathā vratasya niyamāśrayā†”—iti| evamanyānyapi dāna-vratānyudāharaṇīyāni| tāni ca sarvāṇyuttara-viddhāyāṃ pratipadi karttavyāni| teṣāṃ daivatvāt| tadāha vṛhadyājñavalkyaḥ, — "pūrvāhṇikāstu tithayodaive kārye phalapradāḥ”—iti| yadyapyetattithi-sāmānyamupajīvya pravṛttaṃ, tathāpi pratipadi bādhakā-