Kalanirnaya (Kalamadhaviya) 6.p28

6.p28

“apreo'stamaya-velāyāṃ kalāmātrā'pi yā tithiḥ| saiva pratyābdike śrāddhe netarā putra-hāni-dā”—iti | na cāparāhna-velāyāmavidyamānatayā karma-kāla-vyāpti-rahitāyāstitheranupādeyatvamiti śaṅkanīyam| āpādyāyāstaddyāptervidyamānatvāt | ataeva vasiṣṭhaḥ,— “pitrye'stamaya-velāyāṃ spṛṣṭā pūrṇā nigadyate”—iti | nāradīyapurāṇe'pi,— “pāraṇe maraṇe nṛṇāṃ tithistātkālikī smṛtā | pitrye'stamaya-velāyāṃ spṛṣṭā pūrṇā nigadyate”—iti | udāhṛtābhyāmastamaya-sparśa-vākyābhyāṃ kalāmātra-vākyena ca pūrvedyuḥ sāyaṅkāla-vyāptirvivakṣitā| paredyuraparāhna-sparśa-hīnasyapūrva-dine sāyaṃvyāpteravaśyambhāvāt | anyathā ṣaṇmuhūrtta-kṣaya-prasaṅgāt | etadevābhipretya gobhilaḥ,— “sāyāhna-vyāpinī yā tu pārvvaṇe sā udāhṛtā”—iti | īdṛśe viṣaye pūrva-viddhāyāḥ karttavyatā śivarahasya-brahmavaivartta-sauranāradīya-purāṇeṣu vyatireka-mukhena darśitā,— “darśañca pūrṇamāsañca pituḥ sāṃvatsaraṃ dinam| pūrva-viddhamakurvāṇo narakaṃ pratipadyate”—iti | nanvastvevamubhayatrāparāhna-sparśābhāve tathā'parāhna-dvaya-vyāpinyā muttaratithi-gata-vṛddhi-kṣayābhyāṃ nirṇayo'pyastu | uttara-titheḥ sāmye tu