Nirnayakautuka 2.p27

Nirṇayakautuka 2.p27

Language: Sanskrit

2.p27

grahasaṃkrāntiduṣṭatve tatra sūtakādisaṃbhāvanāyāṃ vā 'bahvṛcairhastayuktāyāṃ śrāvaṇaśuklapañcamyāṃ kevalapañcamyāṃ vā hastayukte śrāvaṇaśuklatithyantare vā kāryam | yajurvedibhistu śrāvaṇyasaṃbhave yeṣāṃ gṛhye śrāvaṇahastapañcamyāyuktaistaistatra karttavyam | tayorapyasambhave bhādrapadapaurṇamāsyāṃ tadgatahastapañcamyorvā kāryam | yeṣāṃ gṛhye tenoktetairbhādrapadyeva grāhyāḥ | baudhāyanīyaistu śrāvaṇyasaṃbhave āṣāḍhyāmeva kāryam | sāmagānāṃ tu siṃhārkahastasya grahasaṃkrāntiduṣṭatve upākarma lupyata eva | atharvavedibhiḥ śrāvaṇyasaṃbhave prauṣṭhapadyāṃ kāryam | grahasaṃkrāntiyogaścopākarmasambandhinyahorātre bhāvyarddharātrāt pūrvaṃ nakṣatraparvaṇorvidyamānastayordūṣako na parastāt

Previous: 2.p26
Next: 2.p28
Up: 2

Linked texts (1)

Pratāpārka — Viśveśvarabhaṭṭa 1766, Sanskrit