Nirnayakautuka 2.p37

2.p37

bhādraśuklapratipanmahallamākhye śivavrate pūrvaviddhā sāyāhnamātravyāpinī grāhyā | bhādraśuklatṛtīyā haritālikāvrate muhūrttamātrākalākāṣṭhāmātrāpi parā | 1mādhavamate sampūrnāmapi pūrvā tyaktvā muhūrttamātrāpi parā | bhādraśuklacaturthī siddhivināyakavrate paradina evāṃśena sākalyena vā madhyāhnavyāpinī parā | anyathā sarvapakṣeṣu pūrvā | asyāṃ rātrau candraṃ na paśyet | tatrāpi caturthyāmuditasya pañcamyāṃ darśane na doṣa iti 2nirṇayasindhau | rātrau candradarśananiṣedhād divā taddarśane na doṣa iti mayūkhādau | divā'pi candro na draṣṭavya iti tu yuktam | nirṇayāmṛte tu śuklacaturthīmātre candradarśananiṣedha ityuktam | pramādāccandradarśane prāṅmukha udaṅmukho vā taddoṣaśāntyartham— ‘‘3siṃhaḥ prasenamavadhīt siṃho jāmbavatā hataḥ | sukumārakamārodīstava hyeṣa syamantakaḥ ||’’ iti ślokaṃ paṭhet | anenābhimantritaṃ jalaṃ peyam | syamantakopākhyānañca śrotavyamācārāt smārtta iti kṛtyaratnāvalyām | bhādraśuklapañcamī ṛṣipañcamī | sā madhyāhnavyāpinī | dinadvaye sattve hemādrimate ca parā | 4mādhavamate pūrvā | dinadvaye tadabhāve pūrveti mayūkhatithyarkādau | pareti kaustubhe | bhādraśuklaṣaṣṭhī