Nirnayakautuka 2.p41

2.p41

tadā'pi pūrvaiva | 1yadā dvādaśye ca ṛkṣayuktā tadā śaktenopavāsadvayaṃ vidhāya trayodaśyāṃ pāraṇaṃ karttavyam | aśaktaḥ svīkṛtaikādaśīvratastvekādaśyāmupoṣya śravaṇadvādaśyāṃ tatprayuktaṃ viṣṇupūjā dadhyodanadānādikaṃ kṛtvā pāraṇaṃ kuryāt | asvīkṛtaikādaśīvrato'śaktastu śravaṇadvādaśīmevopavaset | śravaṇayutaśuddhaikādaśyalābhe daśamīviddhā'pi ṛkṣayutā kāryā | yeṣāṃ tatraivaikādaśīvrataprasaktisteṣāṃ tantreṇa vratadvayasiddhiḥ | anyeṣāṃ tūpavāsadvayam | etacca gauḍābhimataṃ kāmyatvamanusṛtyoktam | yadā tu dākṣiṇātya prasiddhaṃ nityatvamaṅgīkriyate, tadobhayornityatvādekādaśyāmaśaktena phalāhāraṃ kṛtvā śravaṇadvādaśyāṃ nirāhāropavāsaḥ kāryaḥ | kaustubhamate tvidaṃ vrataṃ nityaṃ kāmyam | pāraṇe tūbhayānto mukhyaḥ | ekatarānto gauṇaḥ | madanaratne tūbhayānte tithamātrānte vā pāraṇaṃ na nakṣatramātrānte ityuktam