Nirnayakautuka 2.p42

2.p42

iyameva vāmanajayantī | 2śravaṇayuktā sā madhyāhnavyāpinī | dinadvaye tadvyāptau tadavyāptau pūrvaviddhā | pāraṇā tu jayantīvadevobhayānte'nyatarānte vā | hemādrau tvekādaśyāṃ śravaṇayutāyāṃ vāmanajanmoktam | tatra kalpabhedena vyavastheti bahavaḥ | śravaṇāyuktadvādaśyalābhe śravaṇāyuktaikādaśyāṃ vāmanajayantī upavāsavidhānaparamiti kaustubhe | asmat prapitāmaha śrīratnākarabhaṭṭacaraṇāstu dvādaśīśabdenaikādaśyā evābhidhānād hemādribhāgavatayo rājasyenaiva saṃgatirityāhuḥ | samprati tu bhāgavatapakṣa evādriyate śiṣṭaiḥ | tithidvaye'pi śravaṇayogābhāve tu dvādaśyāmevopavāsaḥ | asyāmeva dugdhavratasaṃkalpaḥ | dugdhavrate pāyasādikaṃ varjyam | dadhighṛtādayastu grāhyā eva