Nirnayakautuka 2.p60

2.p60

āśvinaśuklapratipanmātāmahaśrāddhe'parāhnavyāpinī | saṃgavavyāpitvaṃ nirmūlamiti sarvanibandhakārāḥ | atra sapatnīkānāṃ mātāmahānāṃ devatāvvam | idaṃ ca śiṣṭācārāt sapiṇḍakaṃ kāryamiti kecit | jīvatpitṛkasya piṇḍarahitaṃ tu yuktaṃ pratibhāti | idaṃ malamāse na kāryam | iyameva navarātrārambhe audayikī muhūrttamātrāpi paraiva | amāyuktā tu niṣiddhā | ubhayadine udayavyāpitve pūrvā | paradine pratipaddo'tyantāsattve'māyuktā'pi pūrvā | smṛtikaustubhakālatattvavivecanakārādayastu pradoṣavyāpinī pratipannavarātravrate grāhyā