Nirnayakautuka 2.p61
Nirṇayakautuka 2.p61
- Language
- Sanskrit
2.p61
tatra pūrvadina eva pradoṣavyāptau pūrvā | itarapakṣeṣu uttaraivetyāhuḥ | pratipadaḥ pūrvā ṣoḍaśanāḍyo niṣiddhāḥ | citrāvaidhṛtīvarjye | asambhave'nayorādyau pādau trayo'ṃśā vā varjyāḥ | abhijinmuhūrtte vā kalaśasthāpanaṃ kāryam, parantu na rātrau | kecittu citrā vaidhṛtīniṣedhe tadvyavasthāyāṃ ca mūlaṃ cintyamevetyāhuḥ | idaṃ śukrāstādāvapi kāryam | ādyārambhastu na bhavati | malamāse tu dvitīyādyārambho'pi bhavati | 1idamārabdhaṃ sūtake'pi kāryam anārabdhe pūjāmanyena kārayet | vastutastu sūtakibhiḥ pūjanaṃ na kāryaṃ pratinidhidvārā tu kāryameva | ataeva sūtake śiṣṭaiḥ pūjanaṃ na kriyata ityācāro'pīti śrīprapitāmahacaraṇāḥ | rajasvalā tvanyena kārayet