Nirnayakautuka 3.p1
Nirṇayakautuka 3.p1
- Language
- Sanskrit
3.p1
tatra 1sūryyagrahaṇaṃ yasmin yāme tasmāt pūrvaṃ yāmacatuṣṭayaṃ na bhuñjīta | candragrahaṇe yāmatrayam | bālavṛddhāturāṇāṃ pūrvvayāmamātraṃ niṣiddham | 2 sūryyasya grastāste pūrvve'hni uttararātrau ca na bhoktavyam | 3 candragrastā'ste uttare'hni pūrvvarātrau ca na bhoktavyam | paredyurudayaṃ dṛṣṭvā bhuñjīta | candragrastodaye pūrve'hni na bhuñjīta | putrītareṣāṃ trirātraṃ graha ṇāntaṃ grahaṇadivasa eva vā upavāso mahāphalaḥ | kecittu grahaṇapūrvadine'pyupavāsamāhuḥ | putravad gṛhasthastu pāpakṣayakāmo'pi grahaṇopavāsaṃ na kuryāt | ravergrastāste putriṇaḥ praharadvayaṃ hitvā bhojanopavāsa iti hemādriḥ | so'pi nāśnīyāditi mādhavaḥ