Nirnayasindhu 12.2-7

12.2-7

iti || atrānagnipakvaṃ
bhakṣayet | “ anagnipakvamaśrīyādannaṃ dadhi phalaṃ tathā | akṣāralavaṇaṃ brahmañśrīyānmadhunānvitam ” iti tatraiva bhaviṣyokteḥ
bhādrapadedhimāse sati nirṇayadīpe skānde-“ adhimāse tu saṃprāpte nabhasya udaye muneḥ
arvāgdūrvāvrataṃ kārya parato naiva kutracit
jyeṣṭhāpūjāvratam
atraiva jyeṣṭhāpūjoktā mādhavīye skānde-“māsi bhādrapade śuklapakṣe jyeṣṭharkṣasaṃyutā | rātriṃryasmin dine kuryājjyeṣṭhāyāḥ paripūjanam ” iti || iyaṃ jyeṭhāyogavaśena pūrvā parā vā
grāhyā || dinadvayayoge parā | pūrvehni rātriyoge pūrvaiva | “ navamyā saha kāryā syādaṣṭamī
nātra saṃśayaḥ | māsi bhādrapade śuklapakṣe jyeṣṭharkṣasaṃyutā || rātriryasmin dine kuryājjyeṣṭhāyāḥ paripūjanam ” iti tatraivokteḥ | asyāpavādaḥ-“ yasmin dine bhavejjyeṣṭhā madhyāhnādūrdhvamapyaṇuḥ | tasmin haviṣyaṃ pūjā ca nyūnā cetpūrvavāsare ” iti || idaṃ kevalatithau
nakṣatre coktam | tatrādyaṃ kevalatithau kāryam | aṃtyaṃ kevala | taduktaṃ mātsye-"pratyābdikaṃ tithāvuktaṃ yajjyeṣṭhādaivataṃ vratam | pratijyeṣṭhāvrataṃ yacca vihitaṃ kevaloḍuni || tithāvevācare
dādyaṃ dvitīyaṃ kevalarkṣataḥ " iti || ata eva madanaratne bhaviṣye nakṣatramātre uktam-“māsi
bhādrapade pakṣe śukle jyeṣṭhā yadā bhavet | rātrau jāgaraṇaṃ kṛtvā ebhirmantraiśca pūjayet" iti
dākṣiṇātyāstvṛkṣa eva kurvanti | hemādrau skāndepi - " māsi bhādrapade śuklapakṣe jyeṣṭharkṣasaṃyute | yasminkasmin dine kuryājjyeṣṭhāyāḥ paripūjanam " iti || tathā-“ maitreṇāvāhayeddevīṃ jyeṣṭhāyāṃ tu prapūjayet || mūle visarjayeddevīṃ tridinaṃ vratamuttamam " iti || mantrastu-“ehyehi tvaṃ mahābhāge surāsuranamaskṛte | jyeṣṭhe tvaṃ sarvadevānāṃ matsamapigatā bhava',
ityāvāhya 'tāmagnivarṇīm' iti saṃpūjya | "jyeṣṭhāyai te namastubhyaṃ śreṣṭhāyai te namonamaḥ
śarvāyai te namastubhyaṃ śāṃkaryai te namonamaḥ | jyeṣṭhe śreṣṭhe taponiṣṭhe brahmiṣṭhe satyavādini
ehyehi tvaṃ mahābhāge ardhya gṛhṇa sarasvati "