Nirnayasindhu 12.2-8

12.2-8

ityarghyam || bhādrapadaśukladvādaśyāṃ
śravaṇayogarahitāyāṃ pāraṇaṃ kuryāt | ' ābhākāsitapakṣeṣu' iti divodāsodāhṛtavacanāt | “upoṣyaikādaśīṃ mohātpāraṇaṃ śravaṇe yadi | karoti haṃti tatpuṇyaṃ dvādaśadvādaśībhavam " iti tatraiva skāndācca || asya tatraiva pratiprasavaḥ | mārkaṇḍeyaḥ - " viśeṣeṇa mahīpāla śravaṇaṃ vardhate yadi | tithikṣaye na bhoktavyaṃ dvādaśīṃ laṃghayenna hi" iti kecittu-yadā
tvaparihāryo yogastadā śravaṇanakṣatre tredhā vibhakte madhyamaviṃśatighaṭikāyogaṃ tyaktvā pāraṇaṃ
kāryam || taduktaṃ viṣṇudharme - "śruteśca madhye parivartaneti suptiprabodhaparivartanameva varjyam"
iti || kecittuturdhā vibhajya madhyapādadvayaṃ varjyamāhuḥ | atra mūlaṃ cintyam
parivartanotsavanirṇayaḥ
atraiva viṣṇupārivartanotsavaṃ kuryāt | sandhyāyāṃ viṣṇuṃ sampūjya prārthayet | mantrastu
tithitattve uktaḥ | “oṃ vāsudeva jagannātha prāpteyaṃ dvādaśī tava | pārśvena parivartasva sukhaṃ
svapihi mādhava” iti
śakradhvajotthāpanam
atraiva śakradhvajotthāpanamuktamaparārkeṃ gargeṇa | dvādaśyāṃ tu site pakṣe māsi prauṣṭhapade
tathā || śakramutthāpayedrājā viśvaśravaṇavāsave”
śravaṇadvādaśīnirṇayaḥ
iyameva śravaṇadvādaśī | tatraikādaśyāṃ dvādaśī śravaṇayoge sarvopāṣyā | ‘ekādaśī
dvādaśī ca vaiṣṇavyamapi tatra cet | tadviṣṇuśṛṃkhalaṃ nāma viṣṇusāyujyakṛdbhavet ”
iti viṣṇudharmokteḥ | nāradīyepi-“saṃspṛśyaikādaśīṃ rājan dvādaśīṃ yadi saṃspṛśet
śravaṇaṃ jyotiṣāṃ śreṣṭhaṃ brahmahatyāṃ vyapohati || dvādaśī śravaṇaspṛṣṭā spṛśedekādaśīṃ
yadi | sa evaṃ vaiṣṇavo yogo viṣṇuśṛṃkhalasaṃjñitaḥ”