Nirnayasindhu 15.2
Nirṇayasindhu 15.2
- Language
- Sanskrit
15.2
athāśvinaśuklapratipadi navarātrārambhastannirṇayaḥ || tatra bhārgavārcanadīpikāyāṃ devīpurāṇe
sumedhā uvāca - "śṛṇu rājan pravakṣyāmi caṃḍikāpūjanakramam | āśvinasya site pakṣe
pratipatsuśubhe dine" ityupakramyoktam | "śuddhe tithau prakartavyaṃ pratipaccordhvagāminī | ādyāstu nāḍikāstyaktvā ṣoḍaśadvādaśāpi vā||aparāhṇe ca kartavyaṃ śubhasaṃtatikāṃkṣibhiḥ |"
iyaṃ cāparāhṇayoginyāḥ prāśastyaṃ dvitīyadine pratipadābhāve jñeyam | tathā tatraiva devīpurāṇe ḍāmaratantre ca devīvacaḥ--"amāyuktā na karttavyā pratipatpūjane mama | muhūrtamātrā
kartavyā dvitīyādiguṇānvitā || ādyāḥ ṣoḍaśanāḍīstu labdhvā yaḥ kurute naraḥ
kalaśasthāpanaṃ tatra hyariṣṭaṃ jāyate dhruvam "
Linked texts (5)
- Navarātrapradīpa — Nandapaṇḍita 1543, Sanskrit
- Jayasīṃhakalpadruma — Ratnākara 1688, Sanskrit
- Smṛtikaustubha — Anantadeva 1638, Sanskrit
- Saṃvatsaradīdhiti — Anantadeva 1650, Sanskrit
- Abdadīdhiti — Anantadeva 1645, Sanskrit