Nirnayasindhu 21.6-2

21.6-2

'sarvamaṅgalamāṅgalye' iti ca samprārthya patrikāḥ pūjayet || kadalyoṃ brahmāṇīm
dāḍime raktadantikām | dhānye lakṣmīm | haridrāyāṃ durgām | māne cāmuṇḍām | kacau
kālikām | vilve śivām | aśoke śokarahitām | jayantyāṃ kārttikīṃ cāvāhya
sampūjya durgāyai baliṃ dadyāt
atra śastrādipūjā vakṣyate || tataḥ stutiṃ vadet | taduktaṃ śivarahasye-“durgāṃ śivāṃ śāṃtikarīṃ brahmāṇīṃ brahmaṇaḥ priyām | sarvalokapraṇetrīṃ ca praṇamāmi sadāśivām || maṅgalāṃ
śobhanāṃ śuddhāṃ niṣkalāṃ paramāṃ kalām | viśveśvarīṃ viśvamātāṃ caṇḍikāṃ praṇamāmyaham
sarvadevamayīṃ devīṃ sarvarogabhayāpahām | brahmeśaviṣṇunāmitāṃ praṇamāmi sadā umām
vindhyasthāṃ vindhyanilayāṃ divyasthānanivāsinīm | yoginīṃ yogamātāṃ ca caṇḍikāṃ
praṇamāmyaham || īśānamātaraṃ devīmīśvarīmīśvarapriyām | praṇatosmi sadā durgā saṃsārārṇavatāriṇīm || ya idaṃ paṭhate stotraṃ śṛṇuyādvāpi yo naraḥ || sa muktaḥ sarvapāpaistu modate durgayā saha”