Nirnayasindhu 21.9

21.9

iti || lauhābhisārikakarmavidhānaṃ tatraivoktam | “prāgudakpravaṇe deśe patākābhiralaṃkṛtam | maṇḍapaṃ kārayeddivyaṃ navasaptakaraṃ param”|| ṣoḍaśahastamityarthaḥ || āgneyyāṃ kārayetkuṇḍaṃ hastamātraṃ suśobhanam | mekhalātrayasaṃyuktaṃ yonyāśvatthadalābhayā || rājacihnāni sarvāṇi śastrāṇyastrāṇi yāni ca | ānīya maṇḍape tāni
sarvāṇyatrādhivāsayet || tatastu brāhmaṇaḥ snātaḥ śuklāmbaradharaḥ śuciḥ|| oṃkārapūrvakairmantraistalliṅgairjuhuyāddhṛtam || śastrāstramantrairhotavyaṃ pāyasaṃ ghṛtasaṃyutam | hutaśeṣaṃ turaṅgāṇāṃ rājānamupahārayet || lauhābhisārikaṃ karma tenaiva ṛṣibhiḥ smṛtam | dhṛtapalyayanānaśvāngajāṃśca
samalaṃkṛtān || bhrāmayennagare nityaṃ vandighoṣapuraḥsaram | pratyahaṃ nṛpatiḥ snātvā saṃpūjya
pitṛdevatāḥ || pūjayedrājacihnāni phalamālyavilepanaiḥ | yasyābhisaraṇādrājño vijayaḥ
samudāhṛtaḥ || pūjāmantrānmavakṣyāmi purāṇoktānahaṃ tava | yaiḥ pūjitāḥ prayacchanti
kīrtimāyuryaśo balam