Nirnayasindhu 21.10

21.10

tatra viśeṣaḥ
atra viśeṣo hemādrau nirṇayāmṛte bhaviṣye-"āśvayukśuklapakṣasya aṣṭamī mūlasaṃyutā
sā mahānavamī nāma trailokyepi sudurlabhā || kanyāgate savitari śuklapakṣe'ṣṭamīyutā
mūlanakṣatrasaṃyuktā sā mahānavamī smṛtā||navamyāṃ pūjitā devī dadātyabhimataṃ phalam | sā
puṇyā sā pavitrā ca sā dhanyā sukhadāyinī || tasyāṃ sadā pūjanīyā cāmuṇḍā muṇḍamālinī” | sadetyukternityatāpi | “tasyāṃ ye hyupayujyaṃte prāṇino mahiṣādayaḥ || sarve
te svargatiṃ yānti śnatāṃ pāpaṃ na vidyate | yāvanna cālayedgātraṃ paśustāvanna hanyate || na
tathā validānena puṣpadhūpavilepanaiḥ | yathā santuṣyate meṣairmahiṣairvindhyavāsinī || evaṃ ca
vindhyavāsinyāṃ navarātropavāsataḥ | ekabhaktena naktena svaśaktyā'yācitena ca || pūjanīyā janairdevī sthānesthāne purepure | gṛhegṛhe bhaktiparairgrāmegrāme vanevane || snātaiḥ pramuditairhṛṣṭairbrāhmaṇaiḥ kṣatriyairnṛpaiḥ | vaiśyaiḥ śūdrairbhaktiyuktairmleṃcchairanyaiśca mānavaiḥ | strībhiśca kuruśārdūla tadvidhānamidaṃ śṛṇu | jayābhilāṣī nṛpatiḥ pratipatprabhṛti kramāt || lauhābhisārikaṃ
karma kārayedyāvadaṣṭamī”