Nirnayasindhu 25.2-4
Nirṇayasindhu 25.2-4
- Language
- Sanskrit
25.2-4
jyeṣṭhāgrajāteti vadediti smārttāḥ || ityannadānamityapyāhuḥ
brahmāṇḍapurāṇepi-"yā tu bhojayate nārī bhrātaraṃ yugmake tithau | arcayeccāpi tāṃbūlairna
sā vaidhavyamāpnuyāt || bhrāturāyuḥkṣayo rājanna bhavettatra karhicit” || iti
kārttikaśuklanavamīnirṇayaḥ
kārttikaśuklanavamī yugādiḥ sā paurvāhnikī grāhyā | śuklapakṣasthatvāt | atrāpi piṇḍarahitaṃ śrāddhaṃ kartavyam | anyatprāguktam
viṣṇutrirātram
atraiva viṣṇutrirātramuktaṃ hemādrau pādme-"kārttika śukla navamīmavāpya vijitendriyaḥ
hariṃ vidhāya sauvarṇaṃ tulasyā sahitaṃ vibhum || pūjayedvidhivadbhaktyā vratī tadya dinatrayam
evaṃ yathoktavidhinā kuryādvaivāhikaṃ vidhim”
Linked texts (3)
- Skandamahāpurāṇa (vulgate) — Sanskrit
- Kṛtyasārasamuccaya (Amṛtanātha Jhā Śarman) — Amṛtanātha Jhā Śarman 1800, Sanskrit
- Kālamayūkha — Nīlakaṇṭha Dīkṣita, Sanskrit