Nirnayasindhu 25.5

25.5

iti ca || 'savyenānena mantreṇa
tarpaṇaṃ sārvavarṇikam ' iti
kārttikaśukladvādaśīnirṇayaḥ
kārttikaśukladvādaśyāṃ revatīnakṣatrayogarahitāyāṃ pāraṇaṃ kāryam | taduktaṃ - "ābhākāsitapakṣeṣu maitraśravaṇarevatī | saṃgame nahi bhoktavyaṃ dvādaśa dvādaśīrharet ” | iti || yadā tu revatīyogarahitā dvādaśī sarvathā na labhyate tadā revatyāścaturthapādaṃ varjayet | vacanaṃ tu prāguktam
laghunāradīye- “kārttike śuklapakṣasya kṛtvā caikādaśīṃ naraḥ | prātardattvā śubhānkumbhānmayāti harimandiram ” || madanaratne vārāhe- “ekādaśī somayuktā kārttike māsi
bhāmini | uttarāṣāḍhasaṃyoge anantā sā prakīrttitā || tasyāṃ yatkriyate bhadre sarvamānantyamaśnute ”
tatra devotthāpanam
asyāmeva rātrau devotthāpanamuktaṃ hemādrau brāhme-“ekādaśyāṃ ca śuklāyāṃ kārttike māsi .
keśavam | prasuptaṃ bodhayedrātrau śraddhābhaktisamanvitaḥ ” iti || madanaratne bhaviṣye“kārttike śuklapakṣe tu ekādaśyāṃ pṛthāsuta | mantreṇānena rājendra devamutthāpayedvijaḥ ”
rāmārcanacandrikādau tu dvādaśyāmuktaṃ 'pāraṇāhe pūrvarātre ghaṇṭādīnvādayenmuhuḥ ' iti
atra deśācārato vyavasthā | “tatraiva devadevasya snānaṃ pūrvaṃ mahadbhavet | mahāpūjāṃ tataḥ kṛtvā
devamutthāpayetsudhīḥ || ” mantrāstu vārāhapurāṇe uktāḥ-“oṃ brahyendrarudrāgnikuberasūryasomādibhirvandita vandanīya | buddhayasva deveśa jagannivāsa maṃtraprabhāveṇa sukhena deva || iyaṃ tu
dvādaśī deva prabodhārthaṃ vinirmitā | tvayaiva sarvalokānāṃ hitārthaṃ śeṣaśāyinā || uttiṣṭhottiṣṭha govinda tyaja nidrāṃ jagatpate | tvayi supte jagannātha jagatsuptaṃ bhavedidam | utthite
ceṣṭate sarvamuttiṣṭhottiṣṭha mādhava | gatā meghā viyaccaiva nirmalaṃ nirmalā diśaḥ || śāradāni ca
puṣpāṇi gṛhāṇa mama keśava | idaṃ viṣṇuriti prokto mantra utthāpane hareḥ ”,