Nirnayasindhu 26.2

26.2

iti || evaṃ devamutthāpya tadagre cāturmāsyavratasamāptiṃ kuryāt
cāturmāsyavratasamāptiḥ
taduktaṃ bhārate-“caturthā gṛhya vai cīrṇaṃ cāturmāsyavrataṃ naraḥ | kārttike śuklapakṣe tu dvādaśyāṃ
tatsamāpayet || ” laghunāradīye-“cāturmāsyavratānāṃ ca samāptiḥ kārttike smṛtā || ”
mantraśca nirṇayāmṛte sanatkumāreṇoktaḥ “idaṃ vrataṃ mayā deva kṛtaṃ prītyai tava prabho | nyūnaṃ
sampūrṇatāṃ yātu tvatprasādājjanārdana” iti
bodhinauvidhiḥ
atha vārāhokto bodhinīvidhiḥ-ekādaśyāṃ rātrau kuṃbhe ghṛtapātropari haimaṃ māpamitaṃ
matsyaṃ paṃcāmṛtena saṃstrāpya, kuṃkumapītavastrayugapadmādyaiḥ saṃpūjya, matsyādidaśāvatārān
saṃpūjya, jāgaraṃ kṛtvā, prātardevamācāryaṃ ca vastrādyaiḥ sampūjya, “jagadādirjagadrūpo jagadādiranādimān | jagadādyo jagadyoniḥ prīyatāṃ me janārdanaḥ” iti natvā, dakṣiṇāṃ
dattvā, brāhmaṇān bhojayediti || tathā brāhme-“mahātūryarave rātrau bhrāmayetsyandane sthitam | utthitaṃ devadeveśaṃ nagare pārthivaḥ svayam || caturo vārṣikānmāsānniyamaṃ yasya
yatkṛtam | kathayitvā dvijebhyastaddadyādbhaktyā sadakṣiṇam”