Nirnayasindhu 26.2-11

26.2-11

ityādipādmādivacobhyaḥ
vistarastu matpitāmahakṛtaprayāgasetau jñeyaḥ
brāhme-“ yatra kutrāpi yo māghe prayāgasmaraṇānvitaḥ | karoti majjanaṃ tīrthe sa labhedgāṅgamajjanam || ” tathā samudrepyatipraśastam | taduktaṃ pṛthvīcandrodaye prabhāsakhaṇḍe-“māghe māsi ca yaḥ snāyānnairantaryeṇa bhāvataḥ | pauṇḍarīkaphalaṃ tasya divase divase bhavet|”
māghasnānaṃ kāmyameveti bhaṭṭāḥ || viṣṇvādivākye sadāvaśyaśabdānnityatvāvagaternityakāmyamiti tu yuktam | māsaparyantaṃ snānāsambhave tu tryahamekāhaṃ vā snāyāt | ‘ mahāmāghīṃ
puraskṛtya sasnau tatra dinatrayam ’ iti liṅgāt | “ asminyoge tvaśaktopi snāyādapi
dinatrayam | prayāge māghamāse tu tryahaṃ snātasya yatphalam || nāśvamedhasahasreṇa tatphalaṃ
labhate bhuvi ” iti pādmādivacanāt | atra makarasaṃkramo rathasaptamī māghī tryahamityeke
māghaśukladaśamyādītyanye | makarādyatryaha ityapare | māghamāsādyatryaha iti kecit
trayodaśyādīti bahavaḥ | ‘mahāmāghīṃ puraskṛtya sasnau tatra dinatrayam’ iti pādmokteḥ
etasyārthavādatvādyatkiṃciddinatrayamiti bhaṭṭāḥ || tattvaṃ tu--‘saṃdigdheṣu vākyaśeṣāt’
iti nyāyātrayodaśyādyeveti prayāgaṃ vināpi pādme--‘ asminyoge tvaśaktopi snāyādapi dinatrayam’ iti
māghasnāne niyamāḥ
māghasnāne niyamāstu nāradīye-"na vahniṃ sevyetsnāto hyasnātopi varānane | homārthaṃ
sevayedvahniṃ śītārthaṃ na kadācana || ahanyahani dātavyāstilāḥ śarkarayānvitāḥ
tribhāgastu tilānāṃ hi caturthaḥ śarkarānvitaḥ || anabhyaṃgī varārohe sarvamāsaṃ nayedvratī