Nirnayasindhu 26.2-10

26.2-10

iti || pratyahaṃ sūryāyārghyam | mantrastu
pṛthvīcandrodaye pādme-“savitre prasavitre ca paraṃ dhāma jale mama | tvattejasā paribhraṣṭaṃ pāpaṃ
yātu sahasradhā ”. iti
snānakālaśca sūryodayaḥ | tristhalīsetau-“makarasthe ravau yo hi na snātyabhyudite ravau "
iti || 'māghamāse raṭaṃtyāpaḥ kiṃcidabhyudite ravau' iti ca pādmavacanāt | “saṃprāpte māghamāse tu tapasvijanavallabhe | krośanti sarvavārīṇi samudgacchati bhāskare || punīmaḥ sarvapāpāni trividhāni na saṃśayaḥ ” iti nāradīyokteḥ | “yo māghamāsyuṣasi sūryakarābhitapte
snānaṃ samācarati cārunadīpravāhe | uddhṛtya saptapuruṣāṃnpitṛmātṛvaṃśyānsvargaṃ prayātayamardehadharo naro'sau || ” iti bhaviṣyottaravacanācca | brāhme tvaruṇodaya uktaḥ-“aruṇodaye tu
saṃprāpte snānakāle vicakṣaṇaḥ | mādhavāṃghriyugaṃ dhyāyantyaḥ snāti surapūjitaḥ” iti || tathā“aruṇodayamārabhya prātaḥ kālābādhi prabho | māghasnānavatāṃ puṇyaṃ kramāttatrāvadhāraṇā
kālāvadhi prabho | māghasnānavatāṃ puṇyaṃ kramāttatrāvadhāraṇā || uttamaṃ tu sanakṣatraṃ
madhyamaṃ luptatārakam | savitaryudite bhūpa tato hīnaṃ prakīrttitam ” iti | tenātra śaktyapekṣayā vyavasthā | idaṃ ca snānaṃ prayāge'timaśastam | “kāśyāḥ śataguṇaṃ proktaṃ gaṅgāyamunasaṃgame | sahasraguṇitā sāpi bhavetpaścimavāhinī || paścimābhimukhī gaṅgā kāliṃdyā
saha saṃgatā | haṃti kalpakṛtaṃ pāpaṃ sā māghe nṛpa durlabhā