Nirnayasindhu 26.2-17

26.2-17

divodāsīye madanaratne ca-‘ikṣudaṇḍena jalaṃ
cālayitvā saptārkapatrāṇi badarīpatrāṇi ca śirasi vidhāya pūrvoktairmantraiḥ snātvā tilapiṣṭamayāpūpaiḥ haimaṃ sūryya sampūjya viprāya dadyāt
arghyamantro madanaratne-“saptasaptivaha prīta saptalokapradīpana | saptamīsahito deva gṛhāṇārghyaṃ divākara” || tataḥ-“jananī sarvalokānāṃ saptamī saptasaptike | saptavyāhṛtike devi
namaste sūryyamaṇḍale” iti prārthayet | saurāgame-“arkapatraiḥ sabadarairdurvākṣatasacandanaiḥ
aṣṭāṅgavidhinā cārghyaṃ dadyādādityatuṣṭaye ||” atra dānaviśeṣo madanaratne bhaviṣye“tāmrapātre yathāśaktyā mṛnmaye vātha bhaktimān | sthāpayettilapiṣṭaṃ ca saghṛtaṃ saguḍaṃ
tathā || kāñcanaṃ tālakaṃ kṛtvā aśaktastilapiṣṭajam | saṃchādya ratnavastreṇa puṣpairdhūpairathārcayet