Nirnayasindhu 26.3-3

26.3-3

” dānamantrastu-“ādityasya prasādena prātaḥsnānaphalena ca | duṣṭadaurbhāgyaduḥkhaghnaṃ mayā dattaṃ tu tālakam ||” tālakaṃ karṇābharaṇamiti tatraivoktam | dīpamātramiti
hemādrau tatraiva bhaviṣyottare-“evaṃvidhaṃ rathavaraṃ rathavājimuktaṃ haimaṃ ca hemaśatadīdhitinā
sametam | dadyācca māghasitasaptamivāsare yaḥ so'saṅgacakragatireva mahīṃ bhunakti ||” iyaṃ
manvādirapi | iyaṃ ca śuklapakṣasthatvāt paurvāhnikī grāhyā || yadā māgho malamāso bhavati
tadā māsadvaye manvādiśrāddhaṃ kuryāt | 'manvādikaṃ paitṛkaṃ ca kuryānmāsadvayepi ca' iti
smṛticandrikokteḥ
māghaśuklāṣṭamī bhīṣmāṣṭamī
māghaśuklāṣṭamī bhīṣmāṣṭamī taduktaṃ hemādrau pādme-“māghe māsi sitāṣṭamyāṃ satilaṃ bhīṣmatarpaṇam | śrāddhaṃ ca ye narāḥ kuryuste syuḥ santatibhāginaḥ” iti || bhāratepi-“śuklāṣṭamyāṃ tu māghasya dadyādbhīṣmāyaṃ yo jalam | saṃvatsarakṛtaṃ pāpaṃ tatkṣaṇādeva naśyati” iti
dhavalanibandhe smṛtiḥ-“aṣṭamyāṃ tu site pakṣe bhīṣmāya tu tilodakam | annaṃ ca vidhivaddadyuḥ sarve varṇā dvijātayaḥ ||” sarvavarṇokteḥ 'dvijātayaḥ' iti saṃbodhanam | tarpaṇamantrastatraiva-“bhīṣmaḥ śāntanavo vīraḥ satyavādī jitendriyaḥ | ābhiradbhiravāpnoti putrapautrocitāṃ kriyām || vaiyāghrapadyagotrāya sāṃkṛtyapravarāya ca | aputrāya dadāmyetajjalaṃ bhīṣmāya
varmaṇe || vasūnāmavatārāya śantanoratmajāya ca | arghyaṃ dadāmi bhīṣmāya ābālabrahmacāriṇe