Nirnayasindhu 26.2-2

26.2-2

yasya bhakṣyasya
niyamaḥ kṛtastaddravyaṃ dadyādityarthaḥ idaṃ śukrāstādāvapi kāryam | āśauce tu pūjāmanyena
kārayet || kārtikaśukladvādaśī paurṇamāsī ca manvādiḥ sā paurvāhnikī grāhyā | anyat
prāguktam
kārttikaśuklacaturdaśīnirṇayaḥ
kārttikaśuklacaturdaśī vaikuṇṭhasaṃjñā | sā viṣṇupūjāyāṃ rātrivyāpinī grāhyā | dinadvaye
tadvyāptau niśīthapradoṣobhayavyāpinī grāhyā | taduktaṃ hemādrau bhaviṣye-“kārttikasya
site pakṣe caturdaśyāṃ narādhipa | sopavāsastu saṃpūjya hariṃ rātrau jitendriyaḥ ” iti
tatra viśveśvarayātrā
asyāmeva viśveśvarapratiṣṭhādinatvāttatprītyarthaṃ yadupavāsādi kriyate tadāruṇodayavyāpinī
grāhyā || taduktaṃ tristhalīsetau sanatkumārasaṃhitāyāṃ-“varṣe ca hema lambākhye māse
śrīmati kārttike | śuklapakṣe caturdaśyāmaruṇāmbhyudayaṃ prati || mahādevatithau brāhme muhūrte
maṇikarṇike | snātvā viśveśvaro devyā viśveśvaramapūjayat