Nirnayasindhu 26.2-9
Nirṇayasindhu 26.2-9
- Language
- Sanskrit
26.2-9
māghe malamāse sati nirṇayaḥ
yadā tu māgho malamāso bhavati tadā kāmyānāṃ tatra samāptiniṣedhānmāsadvaye snānaṃ tanniyamāśca kāryāḥ | māsopavāsacāndrāyaṇādi tu malamāsa eva samāpayet | taduktaṃ dīpikāyām-‘niyatatriṃśaddinatvācchubhre māsyārabhya samāpayet | maline māsopavāsavratam '
iti || māsopavāsapadaṃ cāndrāyaṇāderupalakṣaṇam || snānāraṃbhe ca mantro viṣṇunāktaḥ“tatra cotthāya niyamaṃ gṛhṇīyādvidhipūrvakam | māghamāsamimaṃ pūrṇa snāsye'haṃ deva mādhava
tīrthasyāsya jale nityamiti saṃkalpya cetasi ” iti | pratyahaṃ mantraśca pādme-“duḥkhadāridryanāśāya śrīviṣṇostoṣaṇāya ca | prātaḥsnānaṃ karomyadya māghe pāpavināśanam
makarasthe ravau māghe govindācyuta mādhava || snānenānena me deva yathoktaphalado bhava | imaṃ
mantraṃ samuccārya snāyānmaunasamanvitaḥ ”