Nirnayasindhu 29.3-3

29.3-3

” ratnamālāyām-“pauṣṇāśvinyoḥ sārpapitryaṃkṣayośca yacca jyeṣṭhāmūlayorantarālam | syādgaṇḍāntaṃ syāccaturnāḍikaṃ hi
yātrājanmodvāhakāleṣvaniṣṭam || ” ratnasaṃgrahe navanītāriṣṭe-“sarveṣāṃ gaṇḍajātānāṃ parityāgo vidhīyate | varjayeddarśanaṃ śrāvaṃ tacca ṣāṇmāsikaṃ bhavet || tithyarkṣagaṇḍe pitṛmātṛnāśo lagne tu saṃdhau tanayasya nāśaḥ || sarveṣu no jīvati hanti bandhūñjīvanpunaḥ syādbahuvāraṇāśvaḥ ”
tatra dānanirṇayaḥ
athaiṣāṃ dānamuttaragārgye-“tithigaṇḍe tvanaḍvāhaṃ nakṣatre dhenurucyate | kāñcanaṃ lagnagaṇḍe tu
gaṇḍadoṣo vinaśyati || uttare tilapātraṃ syātpuṣye godānamucyate | ajāpradānaṃ tvāṣṭre
syātpūrvāṣāḍhe ca kāñcanam || uttarāpuṣyacitrāsu pūrvāṣāḍhodbhavasya ca | kuryācchāṃnti prayatnena nakṣatrākārajāṃ budhaḥ ”