Nirnayasindhu 33.4

33.4

"
hemādrau devalaḥ- "karṇarandhre rakheśchāyā na viśedvijanmanaḥ | taddṛṣṭvā vilayaṃ yānti puṇyaughāśca purātanāḥ ||" śaṃkhaḥ- "aṅguṣṭhamātrasuṣirau karṇau na bhavato yadi | tasmai śrāddhaṃ na
dātavyaṃ dattaṃ cedāsuraṃ bhavet ||"
tāmbūlabhakṣaṇam
caṇḍeśvaraḥ-“sārdhamāsadvaye dadyāttāmbūlaṃ prathamaṃ śiśoḥ | karpūrādikasaṃmiśraṃ vilāsāya
hitāya ca|| mūlārkacitrakaratiṣyaharīndrabheṣu pauṣṇe tathā mṛgaśiroditivāsaveṣu| arkendujīvabhṛgubodhanavāsareṣu tāmbūlabhakṣaṇavidhirmunibhiḥ pradiṣṭaḥ ||”
atha niṣkramaṇam
jyotirnibandhe-‘tṛtīye vā caturthe vā māsi niṣkramaṇaṃ bhavet|' yamaḥ- “tatastṛtīye kartavyaṃ
māsiṃ sūryasya darśanam | caturthe māsi kartavyaṃ śiśoścandrasya darśanam ||” atra 'sūryendvoḥ
karmaṇī ye ca tayoḥ śrāddhaṃ na vidyate' iti chandogapariśiṣṭāt | 'chandogānāṃ niṣkramaṇe
vṛddhiśrāddhaṃ nāsti' iti kalpataruḥ || vyāsaḥ-“maitre puṣyapunarvasuprathamabhe pauṣṇe'nukūle
vidhau haste caiva sureśvare ca mṛgabhe tārāsu śastāsu ca | kuryānniṣkramaṇaṃ śiśorbudhagurau
śukre virikte tithau kanyākumbhatulāmṛgāribhavane saumyagrahālokite ||” madanaratne-‘annaprāśanakāla vā kuryānniṣkramaṇakriyāṃm ||' viṣṇudharme–“digīśānāṃ dine tatra tathā candrārkayordvijaiḥ | pūjanaṃ vāsudevasya gaganasya ca kārayet || bahirniṣkāsayeddehācchaṃkhapuṇyāhanisvanaiḥ | candrārkayordigīśānāṃ diśāṃ ca gaganasya ca | nikṣepārthamimaṃ dadmi te me
rakṣantu sarvadā | apramattaṃ pramattaṃ vā divārātramathāpi vā | rakṣantu satataṃ sarve devāḥ śakrapurogamāḥ