Nirnayasindhu 37.2

37.2

" parāśaramādhavīye tu- “janmatogarbhādhānādvā pañcamābdātparaṃ śubham | kumārīvaraṇaṃ
dānaṃ mekhalābandhanaṃ tathā" ityuktam
sambandhatattve yamaḥ- “kanyādvādaśavarṣāṇi yā'pradattā vasedgṛhe | brahmahatyā pitustasyāḥ sā
kanyā varayetsvayam ||" bhārate-"triṃśadvarṣaḥ ṣoḍaśābdāṃ bhāryāṃ vindeta nagnikām | daśavarṣo'ṣṭavarṣāṃ vā dharme sīdati satvaraḥ || ato pravṛtte rajasi kanyāṃ dadyāt pitā sakṛt ||”
tatraiva-“saptasaṃvatsarādūrdhvaṃ vivāhaḥ sārvavarṇikaḥ | kanyāyāḥ śasyate rājannanyathā dharmagarhitaḥ ||” rājamārttaṇḍaḥ- “rāhugraste tathā śuddhe pitṝṇāṃ prāṇasaṃśaye | atiprauḍhā ca yā
kanyā candralagnabalena tu ||" cakārādatibālā | prāṇasaṃśaya ityukteḥ
manuḥ- "triṃśadvarṣo vahetkanyāṃ hṛdyāṃ dvādaśavārṣikīm | dvayaṣṭavarṣoṣṭavarṣāṃ vā dharme sīdati
satvaraḥ ||" yadyapi-'vivāhastvaṣṭavarṣāyāḥ kanyāyāḥ śasyate budhaiḥ' iti saṃvarttokteḥ 'ata
ūrdhvaṃ rajasvalā' ityādeśca daśavarṣādūrdhvaṃ vivāho niṣiddhaḥ || tathāpi dāturabhāve dvādaśaṣoḍaśābde jñeye- 'trīṇi varṣāṇyṛtumatī kāṅkṣeta pitṛśāsanam' iti parāśaramādhavīye
baudhāyanokteśca || manuḥ-"strīsaṃbandhe daśaitāni kulāni parivarjayet | hīnakriyaṃ niṣpuruṣaṃ niṣchandoromaśārśasam || kṣayyāmayāvyapasmāriśvitrikuṣṭhikulāni ca | narkṣavṛkṣanadīnāmnīṃ nāntyaparvatanāmikām || na pakṣyahipreṣyanāmnīṃ na vibhīṣaṇanāmikām