Nirnayasindhu 41.2-10

41.2-10

" āśvalāyanaḥ-'upodayaṃ
vyuṣitaudite vā |' sāyaṃ tu sa eva 'astamite homaḥ' iti || gauṇa kālamāha sa eva'pradoṣānto homakālaḥ saṃgavāntaḥ prātaḥ' iti | chandogapariśiṣṭe- “yāvatsamyaṅna
bhāvyante nabhastvṛkṣāṇi sarvataḥ | na ca lohitamāpaiti tāvatsāyaṃ tu hūyate ||” aupāsanepyevam | tasya-‘agnihotreṇa prāduṣkaraṇahomakālau vyākhyātau' ityāśvalāyanokteḥ
athāvasathyādhānam
pāraskaraḥ-“āvasathyādhānaṃ dārakāle dāyādyakāla ekeṣām” iti | dāyādyakālo
vibhāgakālaḥ | madanaratne vyāsaḥ-“agnirvaivāhiko yena na gṛhītaḥ pramādinā | pitaryuparate tena grahītavyaḥ prayatnataḥ || ye'gṛhītvā vivāhāgniṃ gṛhastha iti manyate | annaṃ
tasya na bhoktavyaṃ vṛthāpāko hi sa smṛtaḥ