Nirnayasindhu 41.2-6
Nirṇayasindhu 41.2-6
- Language
- Sanskrit
41.2-6
” anyadvaktavyaṃ vistarabhīternocyate iti dik
atra nāndīśrāddhe viśeṣaṃ tadadhikāriviśeṣaṃ cāgre vakṣyāmaḥ| idaṃ cādyavivāhe pitā kuryādvitīyādau vara eva | “nāndīśrāddhaṃ pitā kuryādādye pāṇigrahe punaḥ | ata ūrdhvaṃ prakurvīta svayameva tu nāndikam” iti smṛteḥ || trikāṇḍamaṇḍanopi-“pitrostu jīvatoḥ
kuryātpunaḥ pāṇigrahaṃ yadā | piturnāndīmukhaṃ śrāddhaṃ noktaṃ tasya manīṣibhiḥ ||” reṇukākārikāyām-“uktakāle vivāhāṅgaṃ kuryānnāndīmukhaṃ pitā | deśāntare vivāhaścettatragatvā bhavedidam ||”
lagnaghaṭīsthāpanam
lagnaghaṭīsthāpanamāha nāradaḥ-“ṣaḍaṅgulamitotsedhaṃ dvādaśāṅgulamāyatam | kuryātpātālavattāmrapātraṃ taddaśabhiḥ palaiḥ || tāmrapātre jalaiḥ pūrṇe mṛtpātre vāthavā śubhe | maṇḍalārdhodayaṃ vīkṣya ravestatra vinikṣipet