Nirnayasindhu 41.2-7

41.2-7

” vyavahāratattve-“pauṣṇātkarācca śravaṇācca yugme hastatraye mūlamadhottarāsu | puṣye ca maitre ca vadhūpraveśo riktetare 'vyarkakuje ca śastaḥ ||” gargaḥ“vyatīpāte ca saṃkrāntau grahaṇe vaidhṛtāvapi | śrāddhaṃ vinā śubhaṃ naiva prātaḥkālepi mānavaḥ||”
tathā-‘amāsaṃkrāntiviṣṭyādau prātaḥkālepi nācaret’ iti
dvirāgamanam
ṛkṣoccaye-“māghaphālgunavaiśākhe śuklapakṣe śubhe dine | gurvādityaviśuddhau syānnityaṃ patnīdvirāgamaḥ ||” bādarāyaṇaḥ-“nīhārāṃśudinottarāditigurubrahmānurādhāśvinīśukre bhāskaravāyuviṣṇuvaruṇatvāṣṭre praśaste tithau | kumbhāñjāligate ravau śubhakare prāpnodaye bhārgave jīvajñāsphujitāṃ dine navavadhūveśmapraveśaḥ śubhaḥ”
atha punarvivāhaḥ
śrīdharīye--“punarvivāhaṃ vakṣyāmi daṃpatyoḥ śubhavṛddhidam | lagnendulagnayordoṣe grahatārādisaṃbhave || anyeṣvaśubhakāleṣu duṣṭarogādisaṃbhave | vivāhe cāpi daṃpatyorāśaucādisamudbhave
tasya doṣasya śāṃtyarthaṃ punarvivāhyamiṣyate