Nirnayasindhu 43.3-2

43.3-2

’’ iti
atra śrāvaṇā'śvinayorniṣedho mārgaśīrṣavidhiśca viṣṇuvyatiriktaviṣayaḥ pūrvoktavacanā
diti hemādriḥ || māghaśrāvaṇabhādrapadaniṣedhaḥ śivavyatiriktaviṣayaḥ || tatra tasyokteḥ
tatraiva devīsthāpananirṇayaḥ
devīsthāpane tatraiva viśeṣo devīpurāṇe-‘devyā māghe'śvine māse uttamā sarvakāmadā |’
tathā-‘na tithinaṃ ca nakṣatraṃ nopavāso'tra kāraṇam | sarvakālaṃ prakartavyaṃ kṛṣṇapakṣe viśeṣataḥ ||’’ anyaścātra vicāro hemādrau jñeyaḥ || nāradaḥ-‘hantyarthahīnā karttāraṃ mantrahīnā
tu ṛtvijam | striyaṃ lakṣaṇahīnā tu na pratiṣṭhāsamo ripuḥ ||’’
atrādhikārinirṇayaḥ
atrādhikāriṇa uktāḥ kṛtyakalpatarau devīpurāṇe-“varṇāśramavibhedena devāḥ sthāpyāstu
nānyathā | brahmā tu brāhmaṇaiḥ sthāpyo gāyatrīsahitaḥ prabhuḥ || caturvarṇaistathā viṣṇuḥ
pratiṣṭhāpyaḥ sukhārthibhiḥ | bhairavo'pi caturvarṇairantyajānāṃ tathā mataḥ || mātaraḥ sarvalokaistu
sthāpyāḥ pūjyāḥ surottamāḥ || liṅgaṃ gṛhī yatirvāpi saṃsthāpya tu yajetsadā”